03 / المنهجية الإبداعية

المنهجية الإبداعية

رحلة واضحة وتشاركية نمشي فيها معك خطوة بخطوة، من الاستكشاف والاستراتيجية إلى علامة مميزة تترك أثر.

01

نفهم مشروعك ونحدد نطاقه

نبدأ بجلسة نقاش معمّقة لفهم رؤية مشروعك، أهدافك التجارية، التحديات الحالية، والجمهور المستهدف. وبناءً على ذلك، نحدد نطاق الشغل المطلوب، والجدول الزمني والتكلفة.

وش بتستلم؟ عرض سعر واضح وخطة شغل كاملة.

02

نتفق ونبدأ رسميًا

بعد ما توافق على خطة الشغل، نوقع العقد وتدفع الدفعة المقدمة. بعدها نعقد اجتماع البداية عشان نوحد التوقعات ونستلم المعلومات والملفات اللازمة.

وش بتستلم؟ عقد وفاتورة واجتماع بداية المشروع.

03

ندرس السوق ونحدد الاستراتيجية

قبل أي تصميم، ندرس السوق والمنافسين ونفهم جمهورك واحتياجه؛ عشان نكتشف الفرص ونحدد مكانة تميزك عن المنافسين.

وش بتستلم؟ وثيقة الاستراتيجية ومكانة العلامة ونبرة صوتها.

04

نحدد التوجه الإبداعي

نحول الاستراتيجية لتوجهات بصرية ولوحات إلهام. ونستعرض معك الأفكار والخطوط والأجواء الفنية، لين نختار الهوية الأنسب لمشروعك.

وش بتستلم؟ لوحات إلهام وتوجه إبداعي متفق عليه.

05

نصمم وننفذ

بعد اعتماد التوجه، نصمم النظام البصري كاملًا: الشعار والألوان والخطوط والعناصر المساعدة. ونشرح لك في عرض تقديمي سبب كل اختيار.

وش بتستلم؟ نظام الهوية كاملًا مع تطبيقات توضح شكله على الواقع.

06

نراجع ونحسن

الشغل المميز يطلع بالتعاون؛ نسمع ملاحظاتك على التصاميم، وننفذ جولات التعديل المتفق عليها لين نوصل لأفضل نتيجة.

وش بتستلم؟ التصاميم النهائية بعد التعديل والاعتماد.

07

نوثق الهوية بدليل واضح

عشان تظل هوية مشروعك متناسقة، نجهز دليل يوضح طريقة استخدام الشعار والألوان والخطوط في كل المنصات والمطبوعات.

وش بتستلم؟ دليل الهوية بصيغة رقمية.

08

نسلمك الملفات ونجهز الإطلاق

نرتب لك الملفات النهائية والمفتوحة بكل الصيغ والجودة المطلوبة، عشان تكون جاهزة للنشر عبر قنواتك.

وش بتستلم؟ مجلد سحابي مرتب فيه كل الملفات والصيغ المطلوبة.

وعدنا

نكون معك من أول فكرة ونكمل معك بكل مرحلة من نموك

وبعد التسليم ما نوقف؛ نتابع معك ونطور العلامة ونواكب تغيرات السوق.

خلّنا نتكلم ↗